Ámına Seıitjanova: kelesi kezeńge ótýge bar kúshimizdi salamyz

HARBIN.KAZINFORM – Kerlıngten Qazaqstan quramasynyń oıynshysy Ámına Seıitjanova Kazinform tilshisine Qyrǵyzstanǵa qarsy oıyn qalaı ótkenin aıtyp berdi.

Sportshy oıyn óte jaqsy ótkenin aıtty.

– Bar kúshimizdi saldyq dep oılaımyn. Bári oıdaǵydaı boldy, jaqsy nátıje kórsettik, - dedi ol.

Sondaı-aq, otandasymyz kelesi match óte qıyn bolatynyn jasyrmady.

– Fılıppınmen oıyn óte qıyn bolaıyn dep túr. Biz úshin óte mańyzdy match. Sol sebepti Qyrǵyzstanǵa qaraǵanda olarǵa eki ese kúshimizdi salý kerek. Eger jeńiske jetsek, kelesi kezeńge ótýge múmkindigimiz bar, - deıdi Seıitjanova.

Aıta keterligi, kerlıngten Qazaqstan quramasy búgin aralas juptar arasyndaǵy jarysta Qyrǵyzstannan basym túsip, ekinshi jeńisine qol jetkizdi.

Tór matchtyń qortyndysynda, Qazaqstan quramasy 2 jeńis jáne 2 jeńilis nátıjesimen V tobynda úshinshi orynǵa jaıǵasty. Al Fılıppın quramasy 3 matchta jeńiske jetip, ekinshi orynda túr.

Olar osyǵan deıin otandastarymyz 5:11 esebimen Qytaıǵa, 0:12 esebimen Koreıaǵa jol berip, 7:4 esebimen Qatardy jeńgen bolatyn.

Aıta keteıik, IX qysqy Azııa oıyndary 2025 jyldyń 7-14 aqpany aralyǵynda Qytaı Halyq Respýblıkasy Heılýntszıan provıntsııasynyń Harbın qalasynda ótedi. Sportshylar 11 sport túri boıynsha 64 medal jıyntyǵyn sarapqa salady.