Ámın Tuıaqovtyń júldesine arnalǵan týrnırge álem rekordshylary keledi
ASTANA. KAZINFORM - 27 qańtarda Astana qalasyndaǵy Qazaqstan jeńil atletıka kesheninde qazaqstandyq dańqty sportshy Ámın Tuıaqovtyń júldesine arnalǵan jabyq keshendegi týrnır ótedi.
QR Týrızm jáne sport mınıstrligi Sportty damytý dırektsııasynyń baspasóz qyzmeti málim etkendeı, básekege Halyqaralyq jeńil atletıka qaýymdastyǵynyń altyn deńgeıi berilgen (World Athletics Indoor Tour Gold). Buǵan deıin Azııada mundaı sanattaǵy jarys ótpegen.
Elordada tómendegi sanattaǵy jarystar ótedi:
Áıelder: 400 m, 60 m, 1 mıl (1 609 metr), 60 m kedergiler arqyly, bıiktikke sekirý, uzyndyqqa sekirý.
Erler: 60 m, 60 m kedergiler arqyly, 3 000 m, 400 m, syryqpen sekirý, ıadro laqtyrý.
Týrnırge syryqpen sekirýden Tokıo Olımpıadasynyń jeńimpazy, eki dúrkin álem chempıony, taǵy kúmis júldegeri, qazirgi álem rekordynyń ıesi (6,23 m) Arman Dýplantıs (Shvetsııa) qatysady. 200 metrge júgirýde Gaýhar lıga fınalynyń jeńimpazy Andre de Grass (Kanada), 100 metrge kedergiler arqyly júgirýden álem chempıony, Rıo Olımpıadasynyń kúmis júldegeri Nıa Alı, 100 metrge kedergiler arqyly júgirýden álem chempıony Tobı Amýsan sekildi jeńil atletıka juldyzdary bar.
Bıylǵy maýsymdaǵy World Indoor Tour Gold serııasynyń alǵashqy týrnıri Astanada ótedi. Altyn kezeńder Chehııa (30 qańtar), AQSh (4 aqpan), Polsha (6 aqpan), Frantsııa (10 aqpan), AQSh-qa (11 aqpan) jetip, 23 aqpanda Madrıdte máresine jetedi. ıAǵnı, 3 qurlyqty qamtıdy.
Astana Indoor Meet for Amin Tuyakov Prizes básekesiniń artyqshylyǵy men ereksheligi:
Bul – Parıj Olımpıadasyna upaı jınaý jarysy. Otyzdan astam qazaqstandyq sportshy «Altyn» deńgeıli jarysqa qatysyp, jeńil atletıka juldyzdarymen básekege túsýge múmkindik alady. Jarysta 40 astam elden kelgen sportshy baq synaıdy.
World Athletics Indoor Tour aıasynda ótken ár jarystyń jeńimpazy bıyl naýryzda Glazgoda ótetin jeńil atletıkadan jabyq keshendegi álem chempıonatyna qatysý múmkindigine avtomatty túrde ıe bolady. Bul jarysta tolyq qazaqstandyq mamandar tóreshilik etedi.
Osyndaı dárejeli dodany Astanada ótkizý qazaq sportyn álemge tanytýǵa, jeńil atletıkaǵa degen qyzyǵýshylyqty arttyrýǵa kómektesedi.
Astana Indoor Meet for Amin Tuyakov Prizes 5 myń kórermen jınap, 70-ten astam elde tikeleı efırde kórsetiledi dep josparlanǵan.
