Amiantit Group QR-daǵy qolaıly ınvestıtsııalyq jaǵdaı úshin Nazarbaevqa rızashylyq bildirdi
ASTANA. QazAqparat - Memleket basshysy Nursultan Nazarbaev Amiantit Group kompanııasynyń vıtse-prezıdenti hanzada Týrkı ben Muhammad bın Fahdpen kezdesti.
Bul týraly Aqordanyń baspasóz qyzmetinen habarlady.
Áńgime barysynda qazirgi ózara is-qımyldyń birqatar máseleleri qarastyrylyp, aldaǵy ýaqyttaǵy yntymaqtastyqtyń perspektıvaly baǵyttary talqylandy.
Sý ınjınırıngine jáne munaı-gaz salasyna arnalǵan qubyr shyǵarýǵa mamandanǵan Amiantit Group kompanııasynyń basshylyǵy elimizde qolaıly ınvestıtsııalyq jaǵdaı jasalyp otyrǵany úshin rızashylyq tanytty.
Taraptar áriptestik qarym-qatynastyń odan ári damı beretinine senim bildirdi.
