Amfan tsıklony: Úndistan men Bangladeshte qaza tapqandar sany 103 adamǵa jetti
NЬıÝ-DELI. QazAqparat - Amfan tsıklony saldarynan Úndistan men Bangladeshte kem degende 103 adam qaza tapty, dep habarlaıdy QazAqparat malaızııalyq New Straits Times gazetine silteme jasap.
22 mamyrda Úndistannyń shyǵysynda jáne Bangladeshte 20 jyldan astam ýaqyt ishinde eń qýatty tsıklonnan keıin qalpyna keltirý jumystary bastaldy. Apattan Batys Bengalııa shtatyna qatty zardap shekti, munda qaza bolǵandardyń sany 80 adamǵa jetti, dep habarlaıdy Hindustan Times gazeti. Daýyl myńdaǵan qurylystardy buzdy. Kalkýtta áýejaıy sý astynda qaldy. Ondaǵan myń úıdiń shatyry ushyp ketken,1 mln úı elektr jaryǵynsyz qaldy.
Úndistannyń Premer-mınıstri Narendra Modı 22 mamyrda Batys Bengalııa men Odıshaǵa osy eki shtattaǵy jaǵdaıdy baǵalaý úshin attandy.
Deutsche Welle nemis teleradıokompanııasynyń habarlaýynsha, Bangladeshte júzdegen ǵımarat búlingen, teńiz shaıandary men asshaıandaryn ósiretin myńdaǵan fermalar qıraǵan, 10 mln-nan astam adam elektr jaryǵynsyz qalǵan.
Buǵan deıin Amfan tsıklonynan Úndistan men Bangladeshte 84 adam qaza tapqany týraly habarlanǵan bolatyn.
