Amfan tsıklony: Úndistan men Bangladeshte 84 adam qaza tapty
NЬıÝ-DELI. QazAqparat – Qýaty kúshti Amfan tsıklony Úndistannyń Kalkýtta qalasyn qıratyp, saldarynan Úndistan men Bangladeshte kem degende 84 adam qaza tapty. Bul týraly VVS agenttigine silteme jasap QazAqparat habarlaıdy.
Sársenbi kúni tsıklon Úndistannyń jaǵalaý mańyndaǵy aýdandaryn japyrǵan. Tsıklon soltústik baǵyt, Býtan memleketi jaǵyna qaraı ótip, birtindep álsirep keledi.
Tabıǵı apat saldarynan myńdaǵan aǵash tamyrymen julynǵan, elektr symdarynyń baǵanalary qırady, úıler tolyq joıylǵan.
Kalkýttadaǵy joldardyń kóbin sý basty, 14 mıllıon adam jaryqsyz otyr.
Amfan – Bengal shyǵanaǵynda 1999 jyldan beri qalyptasqan alǵashqy sýpertsıklon.
Halyqty qutqaryp, olardyń múligin saqtap qalý is-qımyldaryna elde koronavırýstyń taralýyna qarsy kúres edáýir qıyndyq keltirip otyr.
Zilzaladan Úndistanda kem degende - 72 adam, Bangladeshte – 12 adam qaza tapqany týraly habarlanǵan.
Eske sala ketsek, 2007 jyly Bangladeshte Sıdr tsıklony bolyp, saldarynan 3500-ǵa jýyq adam mert bolǵan edi. Al 1999 jyly Úndistannyń Odısha shtatynda Amfanǵa uqsas sýpertsıklon 10 myńnan astam adamnyń ómirin qıyp ketti.
