Amerıkanyń jaýlary Internettegi Pentagonnyń qupııalaryn zertteýde
ASTANA. Tamyzdyń 13-i. QazAqparat - «Tálibter men «Ál-Kaıeda» sodyrlary «Vıkılıks» saıtynda jarııa bolǵan AQSh pen NATO-nyń Aýǵanstandaǵy soǵys týraly qupııa qujattarynyń mazmunyn zertteý týraly buıryq alypty. Mundaı qupııa derekterdiń jurtshylyqqa jarııa bolýynyń saldary óte aýyr»,- dep málim etti AQSh qorǵanys mınıstri Robert Reıts. Bul týraly «Maıak» radıosy» habarlap otyr.
Jaqynda AQSh armııasynyń Aýǵanstandaǵy áreketteri týraly 77 myńdaı qupııa materıaldardyń «Vıkılıks» ınternet-portalyna shyǵyp ketkenin QazAqparat budan buryn habarlaǵan bolatyn. Saıtta Vashıngton bastaǵan koalıtsııa júrgizip jatqan soǵys týraly baıandaıtyn biraz mańyzdy qupııalar jarııa bolǵan. Ol málimetterdiń ishinde - beıbit halyqtyń kóptep qyrylýy, pákistandyq arnaıy qyzmetterdiń «Talıban» qozǵalysyn qoldap otyrǵany týraly málimetter, sondaı-aq tálibterdiń batys koalıtsııasynyń avıatsııasyna qarsy «jer-aýa» zymyrandaryn qoldaný faktileri keltiriledi.
Aıta ketetin jaıt, "Vıkılıks" ınternet saıty «aýǵandyq dosedegi» taǵy birneshe myń qupııa qujatty jarııalamaq.
