Amerıkanyń ıÝta shtatynyń turǵyny jeti sábıin óltirgeni úshin aıyptalýda
ASTANA. QazAqparat - Amerıkanyń ıÝTA shtatynyń polıtsııa qyzmetkerleri 39 jastaǵy Megan Hantsmandy tutqynǵa aldy, ol óziniń jeti sábıin óltirdi dep aıyptalýda, dep jazady RIA Novostı.
Polıtsııa qyzmetkerleri áıeldiń burynǵy úıinen karton qorapqa salynǵan jeti balanyń múrdesin tapqan. Olardyń aıtýynsha, qatygez ananyń qolynan ajal qushqan alǵashqy sábıi men sońǵy sábıiniń arasynda on jas aıyrmashylyǵy bolǵan, ıaǵnı óltirilgen náresteler 1996 jáne 2006 jyl aralyqtarynda týǵan.
Al bir náresteniń múrdesin taýyp alyp, bul týraly polıtsııaǵa habar bergen onyń týysqany kúmándi qorapty garajdy jınap júrgende taýyp alǵan. Qazirgi kezde áıel ıÝta shtatynyń túrmesine qamaldy. Bul iske qatysty tergeý amaldary jalǵasýda.
