Amerıkanyń Vashıngton shtatynda belgisiz bireý úsh adamdy atyp óltirdi

SAN-FRANTsISKO. QazAqparat – Sınhýa – Seısenbi kúni tańerteń Amerıkanyń ıAkıma qalasynda (Vashıngton shtaty) belgisiz bireý dúkenge kirip, úsh adamdy atyp óltirdi, dep habarlaıdy QazAqparat Qytaıdyń Sınhýa agenttigine silteme jasap.

Jergilikti polıtsııa kúdiktiniń qashyp júrgenin málimdedi, onyń nelikten bulaı istegeni belgisiz.

ıAkıma polıtsııasynyń bastyǵy Mett Mıýrreı seısenbi kúni tańerteń er adam Circle K dúkenine kirip, úsh adamdy atyp óltirgenin habarlady. Sodan keıin qylmysker júrgizýshini atyp, onyń kóligine minip, ketip qalǵan.

«Bul kezdeısoq oqıǵa sııaqty», - dedi M. Mıýrreı áleýmettik jelilerde jarııalanǵan vıdeoda.

Foto: nbcnews.com