Amerıkanyń tórt prezıdenti halqyna jasaǵan jaqsylyqty Qazaqstanda N.Nazarbaev bir ózi jasady - «Vaınah» sheshen-ıngýsh UMB jetekshisi S.Geroev
ANA. 5 sáýir. QazAqparat /Gúlmıra Álıakparova/ - Búgin Astanada ótken Qazaqstan halqy Assambleıasynyń forýmynda «Vaınah» sheshen-ıngýsh ulttyq-mádenı birlestiginiń jetekshisi Salman Geroev, Amerıkanyń tórt prezıdenti halqyna jasaǵan jaqsylyqty Qazaqstanda Nursultan Nazarbaev bir ózi jasaǵandyǵyn atap ótti.
«Eldiń joǵarǵy memlekettik laýazymyna ádil, ashyq ári shúbásiz demokratııalyq saılaýdyń nátıjesinde belgili danagóı saıasatshy, álem pikirimen sanasatyn - elimizdiń Basshysy N.Nazarbaev jeńiske jetti. N.Nazarbaevtyń danalyǵy - qarym-qatynastardyń negizine jalpy adamzattyq qundylyqtar men mádenı ózara qatynastar salynǵan - ulataralyq problemalardy sheshýde baıqaldy», - dedi S.Geroev.
«Búgin osy zalda jaratylysymyz ben dinı senimimiz ártúrli adamdar jınalyp otyrmyz. Biraq bizdi, N.Nazarbaev qalaǵan bir eldiń azamattary bolýymyz biriktiredi. Mine, 20 jyl boıy N.Nazarbaev elin aıqyn jolmen alǵa súırep keledi. Bizdiń «qazaqstandyqtar» atalýymyz - asqaq ári abyroıly estiledi. Sondyqtan qazaqtar, orystar, ýkraındar, tatarlar, uıǵyrlar, dúngender, deportatsııalanǵan sheshen-ıngýshtar, nemister, koreıler, polıaktar, kezinde taǵdyr taýqymetin tartqan jalpy qazaqstandyqtar ózderiniń mádenıetin, tili men salt-dástúrlerin saqtap qaldy. Biz 3 sáýir kúni qazaqstandyq patrıottyǵymyzdy, birlik rýhyn kórsetip, Elbasy N.Nazarbaevqa daýys berdik», - dep sózin jalǵastyrdy ol.
Onyń aıtýynsha, Qazaqstan táýelsizdiginiń 20 jylynda post keńestik keńistikte jańasha jańǵyrǵan kóshbasshyǵa aınaldy. Álem syılaıtyn ekonomıkalyq myqty, saıası turaqty el bolyp qalyptasty.
«Amerıkalyqtar tórt mańyzdy is jasaǵan ózderiniń tórt prezıdentin baǵalap, qurmetteıdi. Ol shynymen de solaı. Máselen, D.Vashıngton Amerıka Konstıtýtsııasynyń avtory, T.Djefferson táýelsizdik deklaratsııasyn pash etti, A.Lınkoln ultaralyq beıbitshilikti, T.Rýzveld jaıly áleýmettik jaǵdaıdy qamtamasyz etti. Osy aıtylǵan tórt mindet - Deklaratsııa, 15 jyl boıy qazaqstandyqtardyń bostandyqtary men quqyqtarynyń kepili bolyp kelgen - Konstıtýtsııa, jergilikti halyq pen ony meken etken ózge ult ókilderiniń birliginiń ınstıtýty - Qazaqstan halqy Assambleıasy men halyqtyń joǵary ómir sapasy - Prezıdent N.Nazarbaevtyń arqasynda nebári 20 jyldyń ishinde sheshildi. Mine, sondyqtan da N.Nazarbaev halqyna qyzmet ete berýge tıisti jáne solaı bola beredi», - dep túıindedi sózin ol.
