Amerıkanyń Tehas shtatyn sý basyp qaldy
ASTANA. Qyrkúıektiń 9-y. QazAqparat - Meksıkany biraz ábigerge salǵan qatty daýyl AQSh-tyń Tehas shtatyna da jetti, dep habarlaıdy reseılik «Birinshi arna».
Jel qatty kúsheıe qoıǵan joq, biraq Dallasta jáne onshaqty qalada ótken táýliktiń ishinde jaýyn-shashynnyń bir aılyq normasy jaýyp, kósheler sýdyń astynda qaldy.
Myńdaǵan júrgizýshiler sýdyń tutqynynda qalyp qoıdy: mashınasy sýdyń astynda qalyp qoıyp, bir áıel qaza tapty. Attraktsıondar parki qırap, júzdegen ǵımarattardy sý basyp qaldy, turǵyndar shatyrlarǵa shyǵyp, qutqarýshylardan kómek kútip otyr.
Tynyq muhıttan bastalǵan taǵy bir daýyl búgin Japonııaǵa jetti. Honsıý aralynda joldardy sý basyp qaldy, temirjol qatynasy úzildi. Arnasynan tasyǵan ózender birneshe kópirdi shaıyp áketti.
