Amerıkanyń Kalıfornııa shtatynda 17 jastaǵy qyz ushaqty aıdap áketpek bolǵan
FRESNO. QazAqparat – Amerıkanyń Kalıfornııa shtatyndaǵy Fresno qalasynda boıjetken qyz vıntti ushaqtyń salonyna jasyryn kirip ketken. Ol ushaqty aıdap áketpek boldy, dep habarlaıdy QazAqparat NBC News-ke silteme jasap.
«17 jastaǵy qyz tańǵy 7:30-da tehnıkalyq qyzmet kórsetý ǵımaratynyń dýalynan sekirip kirgen. Ol King Air 200 ushaǵynyń kabınasyna kirip, bir qozǵaltqyshty iske qosqan», - dedi Fresno polıtsııa bastyǵy Drıý Bessınger baspasóz konferentsııasynda.
Keıinnen polıtseıler ushqysh kabınasynda qulaqqap taǵyp otyrǵan qyzdy ustady. Ol eshkimmen sóılesýpeı qoıǵan.
Bessıngerdiń sózinshe, jasóspirimge ushaqty urlady degen aıyp taǵylady. Polıtsııa bul árekettiń sebebin anyqtaýǵa tyrysyp jatyr, biraq boıjetkenniń ishki terrorızmge qatysty nıeti bolmaǵan syńaıly.
Boıjetken bir qozǵaltqyshty iske qosqandyqtan ushaq aınala bastaǵan, biraq ony áýege kótere almaı, jaqyndaǵy ǵımarat pen dýalǵa soǵylǵan.
Zardap shekkender joq. Ushaqqa birshama zaqym keldi.
