Amerıkanyń eki áskerı ushaǵy Tynyq muhıtyna qulady
ASTANA. QazAqparat - AQSh-tyń KS-130 maı quıýshy ushaǵy men F/A-18 joıǵysh bombalaýshy ushaǵy áýede soqtyǵysyp, Tynyq muhıtyna qulady. Ushaqtardyń bortynda jeti adam bolǵan, qazirgi kezde olardyń bireýi tiri tabyldy, dep habarlady Bı-bı-sı Teńiz jaıaý áskeriniń korpýsyna silteme jasap.
Qutqarylǵan áskerı qyzmetker Japonııa astanasyndaǵy teńiz jaıaý áskeriniń Ivakýnı bazasynda tekserýden ótip jatyr. Japonııa Teńiz kúshteriniń izdeý-qutqarý qyzmeti men Amerıka avıatsııasy ushaqtarda bolǵan taǵy alty adamdy izdeý sharalaryn jalǵastyrýda.
Oqıǵa Japonııa jaǵalaýynan 200 mıl (322 shaqyrym) jerde oryn alǵan.
Bı-bı-sı-diń Tokıodaǵy qyzmeti túnde Japonııa araldarynda kún qatty bulttanyp, jańbyr jaýǵanyn habarlady.
