Amerıkanyń Arkanzas shtatynda tornadodan alty adam qaza boldy
ASTANA. QazAqparat - Amerıkanyń Arkanzas shtatynyń Folkner okrýgynyń bıligi aımaqtaǵy tornadodan alty adamnyń qaza bolǵanyn habarlady. Buǵan deıin Oklahoma shtatynda eki adam zardap shekkeni jarııalanǵan bolatyn.
Bul týraly RIA Novostı jergilikti KTHV telearnasyna silteme jasap habarlady.
Bárinen de qatty Vılonııa men Meıvlaýer qalalary zardap shekti. Telearnanyń málimetteri boıynsha, apat saldarynan kóptegen úıler qırap, 10 myńǵa jýyq adam jaryqsyz qaldy. Zalal mólsheri anyqtalyp jatyr. Assoshıeıted Press agenttiginiń málimetteri boıynsha, shtattyń batysy Nıý-Meksıko men shyǵysy Tennessı aýmaǵynyń shekarasyna áli de tornado qaýpi tónip tur. Amerıkanyń toǵyz shtatynyń bıligi turǵyndardan qaýipsizdikti saqtaýǵa shaqyrady. Juma kúni Soltústik Karolına shtatynda birden birneshe tornado oryn alǵan. Onyń saldarynan 200-ge jýyq úı qırap, 16 adam aýrýhanaǵa kómek surap barǵan.
