Amerıkanyń 6 shtatyna «Aırın» daýylyna baılanysty TJ rejımi engizildi
ASTANA. 26 tamyz. QazAqparat - Amerıkanyń 6 shtatyna jaqyndap qalǵan «Aırın» daýylyna baılanysty tótenshe jaǵdaı rejımi engizildi.
VVS habarlaǵandaı, Delaverde, Merılendte, Vırdjınııada, Nıý-Djersıde, Nıý-Iorkte jáne Soltústik Karolınada TJ rejımi jarııalandy.
«Aırın» daýyly qaýiptiliktiń úshinshi dárejesine ıe. Jel kúshi saǵatyna 185 shaqyrymǵa jetedi. Daýyl Bagam aralynan aýyp, Amerıka qurylyǵynyń Shyǵys jaǵalaýyna jyljyp kele jatyr.
Delaverde, Merılendte, Nıý-Djersıde jáne Soltústik Karolınada balalardy kóshirý jumystary júrgizildi. Sharaǵa AQSh prezıdenti Barak Obama qatysýy tıis bolatyn.
Vashıngtonda tropıkalyq teńiz daýylyna baılanysty jeksenbige belgilengen Martın Lıýter Kıng memorıalynyń ashylý rásimi keıinge qaldyryldy.
Apat aımaǵynda 65 mln adam qalýy múmkin. Nıý-Iork meri Maıkl Blýmberg turǵyndardan «Aırın» soqqysyna daıyn bolýlaryn ótindi, dep habarlaıdy Euronews.
