Amerıkandyqtar jer astynda alyp aýa «batareıalaryn» salmaqshy
ASTANA. Aqpannyń 11-i. QazAqparat - Amerıkanyń Magnum Energy LLC kompanııasy 1,5 shaqyrymdyq tereńdikte elektr energııasyn alý úshin paıdalanylatyn suıytylǵan aýany saqtaýǵa arnalǵan jerasty úńgirin salýdy josparlap otyr,
dep habarlaıdy QazAqparat Lenta.rý saıtyna silteme jasap.
Jerasty qoımasyn ıÝta shtatyndaǵy Delta qalasynyń mańynda salý josparlanǵan. Osy aımaqta jerasty sortańynyń qory bar, ol arnaıy tehnıkalarmen tazartylatyn bolady. Alǵashqy kezeńde qoımaǵa jaqyn mańdaǵy Jarqabaqty taýynda óndiriletin tabıǵı gazǵa arnalǵan qoıma salynady.
Tehnologııalar synamadan ótkennen keıin Magnum Energy LLC aýaǵa arnalǵan qoıma qurylysyna kirisedi. Jobanyń avtorlary syǵymdalǵan aýa elektr energııasyn saqtaýdyń eń arzan tásilderiniń biri dep sanaıdy.
Mysaly, elektr stansysynyń ashyq kúnderi artyǵymen óndirgen elektr energııasy syǵymdalǵan aýaǵa baǵyttalatyn bolady. Osylaısha, joba avtorlary elektr energııasyn saqtaý problemasyn sheshýdi kózdep otyr.
