Amerıkandyqtar Pıterdiń iri saýda ortalyǵyn mıllıard dollarǵa satyp aldy
ASTANA. 4 naýryz. QazAqparat - Reseıdiń soltústik astanasynda kommertsııalyq jyljymaıtyn múlik naryǵynda rekord ornatyldy.
Pıterdiń saýda ortalyǵy amerıkandyqtarǵa 1,1 mıllıard dollarǵa satyldy, dep habarlady ITAR-TASS.
Neva jáne Lıgov dańǵyldarynyń qıylysynda ornalasqan «Galereıa» saýda ortalyǵynyń jańa ıesi Morgan Stanley Real Estate Fund ınvestıtsııalyq qory. Ortalyq ǵımaraty eki jyl buryn 380 mıllıon dollarǵa salynǵan bolatyn. Onyń burynǵy ıesi qazaqstandyq Meridian Sapital kompanııasy edi.
Atap óterligi, bul amerıkandyq Morgan Stanley kompanııasynyń Reseı naryǵyna alǵashqy kirýi. Naryq taldamashylarynyń pikirinshe, bul bıznestiń órleýine úlken múmkindik beretin tıimdi mámile. Óıtkeni «Galereıa» - Reseıdegi eń zamanaýı saýda ortalyqtarynyń biri.
