Amerıkandyqtar men keıbir batys elderi qoldanatyn termınder óz mańyzyn joıdy - Iran SІM spıkeri
ALMATY. Sáýirdiń 29-y. QazAqparat /Erlik Erjanuly/ - Amerıkandyqtar men keıbir batys elderi adam quqyǵyn jeleý etip ózderiniń kóńilinen shyqpaǵan elderde tóńkeris jasaýshylarǵa qoldaý kórsetýde. Ony Iran Islam Respýblıkasynyń Syrtqy ister mınıstrliginiń spıkeri Ramın Mehmanparast búgin Almatyda ótkizgen baspasóz máslıhatynda málimdedi,
dep habarlaıdy QazAqparat.
Irannyń Qazaqstandaǵy burynǵy Tótenshe jáne Ókiletti Elshisiniń aıtýynsha, keshe Almatyda óz jumysyn aıaqtaǵan ІH Eýrazııalyq medıa forýmnyń bir májilisi "Belgisiz" Iran ..." degen taqyrypta ótti. Onda málim bolǵan bir jáıt, álem elderi úshin Iran sonshalyqty belgisiz el emes. Olar kóbine tek Irannyń ózindik ustanymynan ǵana jetkilikti dárejede habarsyz bolyp qalýda.
"Amerıkandyqtar men keıbir batys elderi adam quqyǵy týraly aıtyp, biz demokratııa jaǵyndamyz deıdi. Áıtse de demokratııalyq jolmen bılikke kelgen úkimet olardy qanaǵattandyrmasa, biz mundaı demokratııany qalamaımyz dep qabyldamaıdy. Al keıbir elderde aıaq astynan tóńkerister oryn alsa ony jasaıtyndardy qoldaıdy. Ózderiniń bul áreketterin demokratııa dep túsindirýge tyrysady", deıdi Ramın Mehmanparast.
