Amerıkandyqtar Gaıtıge kómek úshin SMS-pen 22 mıllıon dollar aýdardy
ASTANA. Qańtardyń 19-y. QazAqparat - Gaıtıdegi zilzala saldarynan zardap shekkenderge uıaly telefon arqyly Qyzyl Krest qoryna túsken qaıyrymdylyq qorynyń jalpy somasy bes kúnde 22 mıllıon dollardy qurady.
SMS-hattyń kómegimen qarjy jınaýǵa kommertsııalyq emes uıymdarǵa mobıldik tehnologııalar qyzmetin kórsetetin amerıkandyq Mobile Accord kompanııasy uıytqy bolyp otyr.
Gaıtıge qarajat qarjylaı kómek kórsetýdiń mGive servısi arqyly jınalýda. Aqsha aýdarǵysy keletinder uıaly telefonnan Haiti sózdi terip, qysqa nómirge joldaıdy. Aýdarýǵa bolatyn eń mınımaldy soma 10 dollar, dep habarlaıdy Sky News.
mGive júıesi arqyly Gaıtıge 2 mıllıonnan astam amerıkandyq aqsha aýdaryp otyr.
