Amerıkandyq zeınetkerler qyrkúıek aıynda Barak Obamanyń shtabyna 22 mln. dollar qarjy quıdy
ASTANA. 22 qazan. QazAqparat - AQSh-tyń Prezıdenti Barak Obama óziniń saılaýaldy kampanııasynyń barysynda kompanııalardyń ıeleri men zeınetkerler tarapynan aıtarlyqtaı qoldaýǵa ıe boldy.
Buǵan onyń saılaýaldy shtabymen usynylǵan jańa qarjy qujattary dálel.
Olardan málim bolǵandaı, qyrkúıek aıynda memleket basshysy qaıyrymdylyq retinde amerıkandyq zeınetkerlerden 22 mln. dollar alǵan. Baıqaýshylar atap ótkendeı bul saılaýshylardyń toby densaýlyq saqtaý jáne áleýmettik qamsyzdandyrý júıesiniń reformalary sııaqty máselelerge den qoıýda.
Prezıdent bir aıdyń ishinde zańgerlerden kem degende 11 mln. dollar, ınvestorlar men bankırlerden 3 mln. dollar somasynda qarajat aldy. Sondaı-aq qazirgi prezıdenttiń qoldaý tobyna túrli deńgeıdegi 4 myń kompanııa basshylary kiretindigi anyqtaldy.
