Amerıkandyq zeınetker sýrettiń ishinen eki keli marıhýana tapty
ASTANA. Shildeniń 27-si. QazAqparat - Djordjııa shtatynyń turǵyny, 80 jasar Gordon Klement ózi bes jyl buryn satyp alǵan sýrettiń jaqtaýlarynan shamamen eki kelideı marıhýana esirtkisin tapty,
dep habarlaıdy Associated Press . Esirtkini ol sýretti aýktsıonǵa ótkizý úshin muqııat tekserýden ótkizý kezinde anyqtady.
Zeınetkerdiń aıtýynsha, ol eshqashan esirtki tatyp almaǵandyqtan, osy oljasyna bir jaǵynan tań qalsa, ekinshi jaǵynan qatta shoshynǵan. Qorǵaýshynyń keńesimen Klement tapqan oljasyn polıtsııaǵa alyp keldi. Ondaǵylar ony muqııat saraptamadan ótkizip, marıhýana ekenin, onyń baǵasy shamamen 4800 AQSh dollaryn quraıtynyn anyqtap berdi. Esirtki quqyq qorǵaý organdary tarapynan tárkilendi.
Gordon Klement bul jaǵdaıǵa qaramastan, óziniń sýretin aýktsıonnan ótkizý týraly raıynan qaıtpaı otyr. Ol úshin zeınetker 25 dollar suramaqshy.
Sýret jáne ózge de óner týyndylary esirtki satýshylar tarapynan esirtki saqtaıtyn qupııa qalta retinde kóp qoldanylady. Jýyrda AQSh pen Meksıkanyń shekarasynda Isa Paıǵambardyń sýretiniń ishine jasyryp, 14 keli marıhýana alyp ótpek bolǵan áıel qolǵa tústi.
