Amerıkandyq tórt aıda lotereıadan 2 ret utty
ASTANA. 4 aqpan. QazAqparat - Ońtústik Karolına shtaty Rok-Hıll qalasynyń turǵyny sońǵy tórt aıdyń ishinde lotereıadan 200 myń dollardan 2 ret utysqa ıe boldy.
Aty-jóni jarııa etilmegen azamat baqytty bıletterdi ara qashyqtyǵy shamamen 1 mılıa bolatyn dúkenderden satyp alǵan.
Amerıkandyq The Color of Money (quny - $10) lezdik lotereıasynyń alǵashqy utysty bıletin qyrkúıek aıynda satyp alǵan, dep jazady The Herald gazeti. Al kelesi 200 myń dollardy osydan birneshe kún buryn ǵana satyp alǵan bıleti ákeldi.
400 myń dollar ıegeriniń atap ótýinshe, ol alǵashqy utys aqshany balalaryna bilim berýge jumsasa, ekinshisin zeınetaqy jınaǵynyń negizi jasamaq.
