Amerıkandyq sýyr AQSh-qa kóktem erte keletindigin boljady
ASTANA. 3 aqpan. QazAqparat - Álemdegi eń tanymal «halyqtyq meteorolog» Pensılvanııa shtaty Panksýtonı qalasynyń Fıl esimdi sýyry AQSh-ta kóktem erte keletindiginen habar berdi, dep habarlaıdy ITAR-TASS.
Sýyr kúni - hrıstıandyq Eýropadan kelgen jáne elde keńinen tanymal dástúrlerdiń biri. Eýropada aqpannyń 2-sin Candlemas «Balaýyzdar kúni» dep ataǵan. Yrymǵa sensek, eger sol kúni kún ashyq bolsa, qystyń ekinshi jartysy sýyq bolady dep boljanǵan.
Al AQSh-ta 2 aqpan kúni qysqy uıqydan oıanǵan sýyrdyń «aýa raıy týraly boljamyn» baqylaý rásimi myńdaǵan adamnyń qatysýymen ótedi. Eger maqulyq óz kóleńkesin kórmese jáne ininen tynysh shyqsa, kóktem erte keledi dep sanalady. Al eger sýyr óz kóleńkesin kórse jáne inine qaıta tyǵylsa, qys áli taǵy 6 aıda sozylady degen senim bar.
