Amerıkandyq shabýyldaýshy ushaq Atlant muhıtyna qulady
ASTANA. QazAqparat - AQSh teńiz jaıaý áskeri korpýsynyń AV-8B Harrier II shabýyldaýshy ushaǵy juma, 6 mamyr kúni Atlant muhıtynyń Soltústik Karolına shtatynyń jaǵalaýynyń mańynda qulady. Bul týraly jaıaý ásker korpýsynyń baspasóz habarlamasyna siltememen WWAY TV habarlady.
Oqıǵa jergilikti ýaqytpen saǵat 17:05-te (senbidegi jergilikti ýaqyt boıynsha saǵat 00:05-te) oryn alǵan. Ýılmıngton halyqaralyq áýejaıynan ushqan shabýyldaýshy ushaq jattyǵýlyq ushýdy oryndaǵan. Associated Press-tiń habarlaýynsha, onyń ushqyshy áýe kemesi órtene bastaǵan soń katapýlta arqyly túsken.
Ushqyshty AQSh ÁTK-niń H-60 Seahawk tikushaǵynyń ekıpajy qutqaryp, Kemp-Ledjen bazasyndaǵy Áskerı-teńiz aýrýhanasyna jetkizildi. Onyń jaǵdaıy turaqty dep baǵalanyp otyr.
Apatqa ushyraǵan ushaq Teńiz jaıaý áskeri korpýsynyń Cherrı-Poıntta bazasyndaǵy 2-shi áýe qanatynyń ıeliginde boldy. Áýe apatynyń sebepteri anyqtalyp jatyr, dep habarlaıdy lenta.ru.
