Amerıkandyq mektep úırek pen onyń balapandaryn «evakýatsııalaý» úshin jyl saıyn jumysyn ýaqytsha toqtatady (FOTO)
ASTANA. QazAqparat - 13 jyl qatarynan jyl saıyn bir úırek amerıkandyq Mıchıgan shtaty Hartlendtegi bastaýysh mektep aýlasynda balapan basady. Mektepte ony Vanessa dep ataıdy jáne jyl saıyn onyń oralýyn atap ótedi.
Mektep aýlasynda úırek alǵash ret balapan basyp shyǵarǵanda muǵalimderdiń biri jumyrtqadan jarylyp shyqqan soń balapandar eki kúnge deıin sýǵa barýy tıis ekenin eske túsirdi. Balapandar áli usha almaıdy, olar mektep aýlasynan shyǵýy úshin oqý mekemesiniń dálizi arqyly ótedi.
Jaqyn jerdegi sý qoımasyna Vanessa kedergisiz jetýi úshin qabyrǵa boıyna berik qara tústi qaǵaz ornalastyrylady jáne muǵalimder oqýshylardyń balapandarǵa tıispegenin baqylaıdy.
Birinshi ret úırek kóp ýaqyt boıy joldy taba almaǵan. Alaıda qazir bul jolmen ótý úshin oǵan ortasha alǵanda 2-3 mınýttaı ǵana ýaqyt qajet.
