Amerıkandyq maman Maıkl Veıder qazaqstandyq kásipkerlerge «Lın» júıesinen trenıng ótkizdi
ALMATY. Tamyzdyń 13-i. QazAqparat /Erbol Turymbetov/ - Búgin Almatydaǵy «Alataý» tehnoparkinde amerıkandyq maman Maıkl Veıder qazaqstandyq kompanııalar ókilderine «Lın» jańa óndiristik júıesinen trenıng ótkizdi,
dep habarldaıdy QazAqparat.
Oǵan Qazaqstandaǵy beldi kompanııalar ókilderi qatysty. «Uqypty óndiris negizindegi lıderlik jáne básekege qabilettilik» dep atalatyn jobasymen tanystyrǵan amerıkandyq maman qazaqstandyq kásipkerlerge óndiristegi tıimdilik joldarymen tanystyrdy.
«Meniń Qazaqstan týraly biletinim az. El ekonomıkasymen jáne turǵylyqty halyqtyń dástúr-dilinen de habarym joq. «Lın» jobasyn óndiriske endirýde osy málimetterdi bilý óte mańyzdy. Aldaǵy ýaqytta jergilikti kompanııalarmen jumys istep, úlken tabystarǵa jetemiz degen senimdemin», deıdi «Lean Plus» prezıdenti, «Lean Manufakturing» júıe engizý tobynyń dırektory Maıkl Veıder. Onyń aıtýynsha, tamyz aıynyń sońyna qaraı Qazaqstanǵa qaıtyp kelip, osyndaǵy birlesýge ótinish bildirgen kompanııalarmen jumysyn bastamaq.
«Lın» sóziniń shyǵý tegi Kaıdzen jańa tehnologııalar júıesinen bastaý alady. Al Kaıdzen júıesin oılap tapqan japon bıznesmenderi bolatyn. Keıin bul júıeni ózderine qabyldap, óz nusqalary boıynsha júrgize bastaǵan amerıkandyqtar ony «Lın» dep órgertken edi.
