Amerıkandyq lotereıadan 250 mıllıon AQSh dollaryn utty
ASTANA. Sáýirdiń 23-i. QazAqparat - Mıssýrı shtatyndaǵy táýlik boıy jumys isteıtin dúkenniń saǵatyna 7 AQSh dollaryn tabatyn, qyzmetshisi Krıs Sho «Paýerboll» lotereıasynan iri utysqa ıe boldy. Onyń baqytty bıletine 258,5 mıllıon dollar kólemindegi djek-pot tústi.
Elton qalasynyń 29 jasar turǵynynyń aıtýynsha, ol óz utysyn bólip tóleý kelisimimen alǵan mashınasy úshin 1 myń dollar qaryzynan qutylýǵa, kommýnaldyq qyzmet úshin esepshotyn tóleýge, sondaı-aq óziniń úsh balasymen jáne qurbysynyń eki balasymen Florıda shtatyndaǵy «Dısneılendke» barýǵa jumsamaq.
Baqytty bıletin joly bolǵysh jigit, ózi jumys isteıtin Marshall qalasyndaǵy dúkende, utys oınalatyn kúni - sáýirdiń 21-inde 5 dollarǵa satyp alǵan eken. Djek-potty utyp alý úshin Sho alty utys nómirin durys taba alyp, oǵan qosa qosymsha shardyń da utystyq nómirin atap bergen.
