Amerıkandyq lotereıada 1,5 mlrd. dollardyń rekordtyq djekpoty oınalady
ASTANA. QazAqparat - AQSh-taǵy Powerball lotereıasynda tarıhtaǵy eń úlken djekpot - 1,5 mlrd. dollar oınalady. Bul týraly elde lotereıaǵa jaýapty laýazymdy tulǵalar málim etti, dep habarlady Rosbalt Reuters agenttigine silteme jasap.
Jeńimpaz birjolǵy 930 mln. dollardy alady nemese 29 jyl boıy jyl saıyn bólip-bólip alyp turady.
Habarlanǵandaı, utys somasyn ulǵaıtýǵa lotereıalyq bıletterge suranystyń artýy yqpal etti. Eki kún buryn Powerball lotereıasyndaǵy rekordty soma 1,3 mlrd. dollarǵa jetken.
Buǵan deıin - 9 qańtarda 948,8 mln. dollar oınaldy. Alaıda qatysýshylardyń birde-birinde utys kombınatsııasy bolmady.
Sońǵy ret Powerball lotereıasyndaǵy 425,3 mln. dollardy kalıfornııalyq zeınetker utyp aldy.
Lotereıa AQSh-tyń 44 shtatynda, Kolýmbııa okrýginde, Pýerto-Rıkoda jáne Vırgın araldarynda ótkiziledi.
