Amerıkandyq kóripkeldiń boljamynsha, jer betin topan sý basqannan keıin Astana portty qalaǵa aınalady

Onyń esepteýinshe, Qazaqstannyń batysynda Kaspıı, Aral, Baltyq jáne Qara teńizderdiń qosylýynan óte úlken teńiz paıda bolady.  Bul jaıynda «Ekspress K» gazetinde jaryq kórgen «Astana - bes teńizdiń porty» degen maqalasynda baıandalǵan.

Amerıkandyq sáýegeı uzaq jyldardan beri apokalıpsıstiń oryn alýy múmkin stsenarııin zertteýmen aınalysyp keledi. Jazýshynyń paıymynsha, aǵymdaǵy jyldan bastap topan sý basý qaýpiniń alǵaqshy belgileri baıqalǵan. Sonyń biri jaz aıynyń aptap ystyq bolýy. Taıaý aralyqta soltústik polıýstegi muzdyqtar erı bastap, sodan keıin jer betin topan sý basady. Fýtýrologtyń syzǵan kartasyna qaraǵanda bul jahandyq apattan Qazaqstan da zardap shegedi. Oral taýyn esep almaǵanda, eldiń batysy tolyǵymen sý astynda qalady. Al teńiz Astanany aınala qorshap, jańa portty qala paıda bolady.

Elordanyń soltústik jaǵalaýyn ulǵaıǵan Soltústik muzdy muhıty shaıady. Al Іle Alataýy naǵyz jer jánnatyna aınalady. Almatydaǵy jyljymaıtyn múlik baǵasy Eýropa men AQSh-tyń jekelegen qalalarynan da joǵary bolyp otyrǵandyǵy múmkin sondyqtan da shyǵar.

Maıkl Gordon Skallıonnyń boljamynsha, Japonııa men Taıaý Shyǵys tolyǵymen sý astynda qalady. Al AQSh-ta eldiń ortalyǵyndaǵy agrarlyq shtattar ǵana qurǵaq kúıinde saqtalady. Reseıde tek Sibirdi ǵana sý baspaıdy. Belarýs pen Ýkraınanyń shekaralary aýmaǵynda shaǵyn aral paıda bolady.

«Men Gordon Skallıonnyń esepteýi durys dep sanaımyn. Al Soltústik polıýstiń muzdyǵy sonshalyqty jyldam erýi múldem basqa másele. Iıa, Skallıonnyń stsenarııi osy ǵasyrda oryn alýy múmkin. Degenmen topan sýdyń 2-3 jyldyń ishinde basýy qısynsyz», - deıdi almatylyq klımatolog Arsenıı Bajenov.