Amerıkandyq kompanııa Qyrǵyzstannyń energetıkalyq júıesine aýdıt júrgizýde
BІShKEK. 4 naýryz. QazAqparat /Arnur Rahymbekov/ - Amerıkandyq Tetra Tech kompanııasy Qyrǵyzstannyń búkil energojúıesine aýdıtorlyq tekserý júrgizip jatyr.
Bul týraly Bishkekte Qyrǵyzstannyń Energetıka mınıstriniń orynbasary Avtandıl Qalmambetov málim etti.
Aýdıttiń nátıjesi 2011 jyly 15 naýryzda jarııa etilmek. «Aýdıt júrgizip jatqan amerıkandyq kompanııa energetıka mınıstrligine esep berip qoıdy, biraq olar ázirge aldyn ala nátıjeler. Biz tekserý qorytyndysyn tyńdadyq. Barlyq kelisýlerden jáne basqa da jumystardan keıin, biz aýdıtttiń naqty nátıjesin jarııalaımyz», - dedi A.Qalmambetov óz sózinde.
Aýdıt barysynda tirkelmegen jáne eskerilmegen óte kóp abonentter anyqtalyp otyr. Ondaı «óli jandar» energetıkterge naqty málimetterdi jasyrýǵa jáne kommertsııalyq shyǵyndardy debıtorlyq bereshekke jatqyzýǵa múmkindik beredi. Mundaı faktiler sonaý 2006 jyly júrgizilgen tekserýdiń barysynda málim bolǵan edi. Biraq eshqandaı shara qabyldanbaǵan», - deıdi Qyrǵyzstannyń Energetıka mınıstrligi baqylaý keńesiniń múshesi Nıkolaı Kravtsov.
Qyrǵyzstannyń energojúıesine júrgizilgen aýdıttiń qorytyndysy boıynsha elektr qýatynyń ózindik quny anyqtalmaq. Sóıtip halyq úshin elektr qýatynyń qazirgi tarıfi ózgertiledi. Esterińizge sala keteıik, Qurmanbek Bakıevti taǵynan taıdyrǵan halyq tolqýynyń bir sebebi elektr qýaty tarıfiniń qymbattaýy bolǵan edi.
