Amerıkandyq kıno óneri akademııasy «Oskar» syılyǵyna nomınanttardyń esimderin jarııalaıdy
ASTANA. 16 qańtar. QazAqparat - Amerıkandyq kıno óneri akademııasy búgin jergilikti ýaqyt boıynsha saǵat 05:38-de 2013 jyldyń qorytyndysy boıynsha Oscar kıno syılyǵyna úmitkerlerdiń esimderin jarııalaıdy,
dep habarlaıdy ITAR-TASS.
Saltanatty shara Los-Andjelestiń Beverlı-Hıllz aýdanyndaǵy Samýel Goldýın teatrynda ótedi. Altyn músinge nomınanttar tizimin Akademııa prezıdenti Býn Aızeks pen akter Krıs Hemsvort jarııalaıdy.
Sarapshylardyń boljamy boıynsha, tańdaýly bes-on fılmge beriletin «eń úzdik fılm» atalymyna rejısser Stıv Makkýınniń shynaıy oqıǵaǵa negizdelgen «12 jyl quldyqtaǵy ómir» atty kınosy enedi. Shyǵarma ózegine Nıý-Iorkte HІH ǵasyr ortasynda ómir súrgen afroamerıkandyq Solomon Nortaptyń memýary alynǵan. Lýzıana shtatyndaǵy plantatsııada jumys istetý úshin kútpegen jerden quldyqqa satylǵan ol tek 12 jyldan soń ǵana basyna bostandyq ala alady. Bul fılm «eń úzdik dramalyq fılm» atalymy boıynsha kıno synshylarynyń joǵary baǵasyna jáne «Altyn globýs» syılyǵyna ıe bolǵan.
Tizimge sondaı-aq Gollıvýdta akkredıttelgen sheteldik jýrnalıster qaýymdastyǵynyń uıǵarymymen «Altyn globýsty» ıelenýge laıyq dep tabylǵan Alfonso Kýaronnyń «Gravıtatsııa» fılmi de kirmek.
