Amerıkandyq kıno akademııasy «Oskardyń» qurmetti laýreattaryn atady
ASTANA. 8 qyrkúıek. QazAqparat - Amerıkandyq kıno akademııasy kınematograftyń damýyna úles qosqan «Oskar» laýreattarynyń esimderin atady.
Olardyń arasynda - akter Hel Nıdem, derekti fılmder túsirýshi Dı-Eı Pınnebeıker jáne kıno qaıratkeri Djordj Stıvens bar.
DreamWorks Animation stýdııasynyń kınoprodıýseri men bas dırektory Djeffrı Kattsenbergke ónerdegi izgilik prıntsıpterin qorǵaǵany úshin Djın Hersholt atyndaǵy júlde buıyrdy. Júlde ıegerleriniń qurmetine arnalǵan saltanatty keshki as «Oskardyń» basty syılyqtary taratylýynyń aıasynan tys Beverlı-Hıllzta ótedi. «Oskar» júldelerin tapsyrý osyndaı formatta tórtinshi ret ótkizilýde.
2013 jyldyń aqpanynda ótetin negizgi rásimde qonaqtar men telekórermender qazirgi qurmetti júldelerdiń laýreattary týraly beınesıýjetterdi tamashalaı alady.
