Amerıkandyq general aýǵandyq qaýipsizdik kúshterin daıyndaıtyn nusqaýshylardyń sanyn arttyrý kerek dep otyr
BRıÝSSELЬ. Qyrkúıektiń 29-y. QazAqparat /Dımash Syzdyqov/ - NATO-nyń Aýǵanstandaǵy oqý daıyndyqtary jónindegi mıssııasynyń qolbasshysy general-leıtenant Ýılıam Koldýell aýǵandyq ulttyq qaýipsizdik kúshterin daıyndaıtyn arnaıy nusqaýshylardyń sanyn kóbeıtý kerektigin aıtyp otyr.
General bul týraly seısenbi kúni soltústikatlantıkalyq alıanstyń Brıýsseldegi shtab-páterinde NATO áskerı komıtetinde sóılegen sózinen keıin, jýrnalısterge málim etti.
Ý. Koldýell, «ótken jyldyń qarasha aıynda Aýǵanstanda oqý daıyndyqtary mıssııasy ashylǵaly beri úlken ilgerileýshilikterge qol jetkizdik. Aýǵanstandaǵy qaýipsizdikke qoldaý kórsetýshi halyqaralyq kúshterdiń qataryna kiretin memleketterdiń kúsh-jigerleriniń arqasynda, ótken toǵyz aıda nusqaýshylardyń sany úsh esege artty - 3,5 myń adamǵa deıin jetti», - dedi óz sózinde.
Degenmen, 2011 jyly Aýǵanstannan NATO áskeri shyǵaryla bastaıtyndyqtan, sondaı-aq aýǵan ulttyq armııasy men polıtsııasynyń sanyn arttyrý josparlanyp otyrǵandyqtan, jergilikti mamandardy oqyta alatyn qosymsha arnaıy nusqaýshylar bólý qajet-aq.
«Nusqaýshylardyń jetispeýshiligi polıtseıler men sarbazdardy daıyndaýdyń sapasyna, sondaı-aq olardyń óz mindetterin atqara bilý qabiletterine teris áserin tıgizedi. Al onsyz daıyndaý bazasyn keńeıtý, qosymsha bólimsheler qurý jáne basqa da máseleler keıinge qaldyrylatyn bolady. Jınaqtaı kelgende, osynyń barlyǵy eldegi jaǵdaıdy baqylaý mindetin aýǵandyq qaýipsizdik kúshterine tapsyrý protsesin baıaýlata túsedi», deıdi general.
