Amerıkandyq ǵalymdar sýasty Wi-Fi júrgizdi
ASTANA. 27 qarasha. QazAqparat - Býfalo ýnıversıtetindegi amerıkan ǵalymdary muhıttar astynda symsyz sýasty Wi-Fi-dy oıdaǵydaı synaqtan ótkizdi. Sóıtip, jumbaǵy kóp sýasty álemin egjeı-tegjeıli zertteý jolynda úlken qadam jasaldy, dep habarlady Informıng.rý saıty.
Mamandar úshin kádimgi Wi-Fi jelisinde qoldanylatyn radıotolqyndarǵa balama tabý basty problema boldy. Sonda ǵalymdar dybystyq tolqyndar shyǵaratyn datchıkterge toqtaldy. Bul qurylǵylar teńiz tereńdikterinde ornatylady, al dabyldy qabyldaıtyn roýtter kemede nemese jaǵalaýǵa ornatylady. Budan keıin dybystyq tolqyndar Wi-Fi dabyldaryna aınaldyrylyp, uıaly nemese spýtnık jelilerine beriledi, odan tikeleı uıaly nemese kompıýterlik qurylǵylarǵa beriledi.
Jańa tehnologııa muhıttaǵy tirshilikti baqylaýmen qatar tsýnamı qaýpin aldyn ala bilýge, alapty lastaý kózderin anyqtaýǵa, bul óz kezeginde ekologııalyq apattardyń aldyn alýǵa jáne apattar saldaryn barynsha azaıtýǵa múmkindik bermek.
