Amerıkandyq ǵalymdar ómirdi tynys alýsyz 30 mınýtqa deıin saqtaı alatyn apparat oılap tapty
ASTANA. 9 shilde. QazAqparat - AQSh-tyń Massachýsets shtatynyń Boston qalasynda ornalasqan Balalar klınıkalyq ǵylymı-zertteý ortalyǵynyń ǵalymdary adamǵa aýasyz 15 mınýttan 30 mınýtqa deıin shydaý múmkindigin beretin preparatty oılap tapty.
Bul týraly jýrnalısterge ortalyqtyń jetekshi kardıology Djon Heır málim etti, dep habarlaıdy ITAR-TASS.
Heırdiń aıtýynsha, «janýarlarǵa jasalǵan tabysty testileý adamdarǵa aldaǵy ýaqytta jasalatyn klınıkalyq synaqtarda tıimdi nátıje beredi». Serııalyq óndiriske kútilip otyrǵan bul ǵylymı jetistik densaýlyq saqtaý salasyndaǵy revolıýtsııalyq kezeń bolmaq. Medıtsınalyq qyzmetkerler tynysy nasharlaǵan nemese qandaı da bir sebeptermen ókpesi jumys istemeı qalǵan mıllıondaǵan adamdardyń ómirlerin saqtap qalatyn bolady.
