Amerıkandyq ǵalymdar mı qaterli isiginiń genomyn ashty
ASTANA. Qańtardyń 30-y. QazAqparat - Los-Anjelestegi Kalıfornııa ýnıversıtetiniń mamandary eń qaterli aýrý - mıdyń qaterli isiginiń genomyn ashty,
dep habarlady «RIA «Novostı» agenttiginen.
Olardyń pikirinshe, bul jańalyq qaterli isik retsıdıvin jedel anyqtaýǵa jáne em-domnyń tıimdiligin naqtylaýǵa múmkindik beredi. Ǵalymdar qaterli isikke sebep bolýy múmkin barlyq derlik genetıkalyq ózgeristerdi anyqtady. Genomnyń qupııasyn tolyq ashý úshin eń zamanaýı tehnologııalar paıdalanyldy, 1 aıǵa jýyq ýaqyt jáne 35 myńdaı dollar jumsaldy.
«Buryn biz qaterli isiktiń jeke bir túriniń jasýshalarynda oryn alatyn mýtatsııalardyń kóbisin bilmeı keldik. Endi jańa tehnologııa bizge árbir isikti jeke zertteýge jáne mýtatsııany nazardan shyǵaryp almaý úshin qaterli isiktiń genomyn tolyq sheshýge múmkindik beredi», deıdi jańalyq avtorlarynyń biri.
