Amerıkandyq eskekti qaıyqpen jalǵyz ózi Atlant muhıtyn júzip ótti
ASTANA. QazAqparat - Nıýı-Iork turǵyny Vıktor Mýnı eskekti qaıyqpen jalǵyz ózi Atlant muhıtyn júzip ótti, dep habarlady ITAR-TASS.
Keshe senbi kúni onyń ókili habarlaǵandaı, 4,8 myń shaqyrymdyq bul joldy Mýnı 128 kúnde eńsergen: ol Afrıka jaǵalaýynyń mańyndaǵy Kanar araldarynan 19 aqpanda shyqqan, al juma kúni Karıb teńizindegi Sınt-Marten araldaryna jetti.
Júzý kezinde Mýnı 36 kelige aryqtaǵan. «Qazir meniń salmaǵym 64 keli - altynshy jáne jetinshi synyp oqýshysy sııaqtymyn», dep ázildedi ol.
48 jastaǵy saıahatshy kún saıyn saǵat tańǵy tórtte oıanyp, keshki saǵat 7-ge deıin eskek esken. Árbir saǵat saıyn ol jarty saǵattyq úzilis jasap, kúsh-qýatyn qalpyna keltirip otyrǵan.
«Muhıt kóbine mazasyz boldy. Keıde men 15 shaqyrym júzip, uıyqtaýǵaa jattym, tańerteń tursam, muhıt meni 25 shaqyrymǵa keıin ysyryp tastaǵan», - dedi Mýnı.
Qaıyqta azyq-túliktiń azdaǵan qory bolǵan, biraq ol jolda balyq aýlap, talǵajaý etken.
Onyń aıtýynsha, saıahat kezindegi eń qorqynyshtysy, birde oǵan akýla shabýyl jasap, qaıyǵyn tistegen. Degenmen Mýnı akýlany qýyp tastap, sol boıda shapshańdatyp, qaıyǵynyń tesgin jamaǵan.
Saıahatshy bul saparǵa jurtshylyqty SPID problemasyna aýdarýdy maqsat tutqan, óıtkeni onyń aǵasy 1983 jyly osy dertten kóz jumypty.
Mýnı budan ári Brıtandyq Vırgın araldaryna deıin júzip baryp, odan ári taǵy 2,9 myń shaqyrym jol júrip, Nıý-Iorkke jetpek. Endi ol budan bylaı mundaı saparǵa shyqpaýǵa bekinip otyr.
Vıktor Mýnıdiń bul Atlantıkany eskekpen júzip shyǵýǵa umtylǵan alǵashqy sapary emes. Alǵashqy úsh áreketi sátsiz aıaqtaldy. 2006 jyly onyń qoldan jasalǵan aǵash qaıyǵy saıahat bastalǵannan keıin birneshe saǵattan soń sýǵa batyp ketti. 3 jyldan keıin odan góri berik qaıyqpen shyqty, ol joly sý tuşytatyn prıbory isten shyǵyp qaldy. 2011 jyly saıahatshynyń qaıyǵy syr berip, eki apta boıy ashyq muhıtta qutqarý salynda boldy.
