Amerıkandyq ekıpaj Halyqaralyq ǵarysh stansysyna attandy
STANA. Sáýirdiń 6-sy. QazAqparat /Sara Qabıqyzy/ - Keshe 2010 jylǵy sáýirdiń 5-inde máskeý ýaqytymen 14 saǵat 21 mınýtta amerıkandyq «Dıskaverı» STS-131 ǵarysh kemesi Halyqaralyq ǵarysh stansysyna jol tartty,
dep habarlady Reseıǵarysh baspasóz qyzmeti.
«Shattl» ekıpajynyń quramynda NASA astronavtary Alan Poındekster, Djeıms Datton, Rıchard Mastrakkıo, Dorotı Metkaf-Lındenbıýrger, Stefanı Ýılson, Kleıton Anderson jáne Japon aeroǵaryshtyq zertteýler agenttiginiń astronavy Naoko ıAmazakı bar.
«Dıskaverıdiń» HǴS-men túıisýi sáýirdiń 7-sine máskeý ýaqytymen 11 saǵat 44 mınýtqa belgilengen. STS-131 ekıpajy úsh ret ashyq ǵaryshqa shyǵady, sondaı-aq stansyǵa qyzmet kórsetý jáne ony qosymsha jabdyqtaý jóninde birqatar mindetterdi atqarady.
Esterińizge sala keteıik, qazir HǴS-da alty adam jumys isteıdi. Olar - ótken jyldyń jeltoqsanynan beri jumys istep jatqan reseılik ǵaryshker Oleg Kotov, NASA astronavy Tımotı Krımer, Japondyq aeroǵaryshtyq zertteýler agenttiginiń astronavy Soıtı Nogýtı, sondaı-aq 2010 jylǵy sáýirdiń 4-inde kelgen reseı-amerıkan ekıpajynyń quramyndaǵy Aleksandra Skvortsov, Mıhaıl Kornıenko jáne Treısı Koldvell-Daıson.
Amerıkandyq «shatlldyń» kelýmen HǴS turǵyndarynyń sany 13 adamǵa jetpek, olardyń arasynda tórt áıel - úsh amerıkandyq jáne bir japondyq astronavt bar.
