Amerıkandyq «Dıskaverı» shattly Halyqaralyq ǵarysh stansasymen túıisedi
ASTANA. Sáýirdiń 7-si. QazAqparat - Amerıkandyq «Dıskaverı» shattly búgin Halyqaralyq ǵarysh stansasymen túıisedi. Nátıjesinde, stansa bortynda áıelderdiń rekordtyq sany tirkelmek. Túıisý protsesi máskeý ýaqyty boıynsha saǵat 11.45-ke belgilengen, dep habarlady reseılik Ushý saparlaryn basqarý ortalyǵyna silteme jasap «Maıak» radıosy.
Amerıkandyq shattl kelgen soń Halyqaralyq ǵarysh stansasynyń ekıpajy 13 adamǵa jetedi, olardyń tórteýi -áıelder.
"Dıskaverı" Halyqaralyq ǵarysh stansasyna dúısenbi kúni attanǵan bolatyn. Ushqannan keıin onyń stansamen túıisý jáne Jerge telemetrıkalyq málimetter jiberý úshin qoldanylatyn antennasy isten shyǵyp, mamandardy biraz ábirjitti. NASA ókilderiniń aıtýynsha, túıisý úshin Halyqaralyq ǵarysh stansasynyń da antennasyn paıdalanýǵa, málimetterdi bas dıapazondaǵy osyndaı qurylǵylardyń kómegimen joldaýǵa bolady.
