Amerıkandyq Detroıt qalasynda úıler 1 dollarǵa satylýda
ASTANA. 1 tamyz. QazAqparat - Amerıkandyq Detroıt qalasynda úıler 1 dollarǵa satylýda, dep habarlady Reseı jańalyqtar qyzmeti. Jergilikti BAQ-tyń habarlaýynsha, tipti osy somaǵa da satyp alýshylardy tabý ońaı emes.
Kóptegen úılerdi bankter satýǵa qoıǵan, olardy ıelerinen qaryzdary úshin tárkilegen bankter endi salyq tólemeý úshin bul úılerden tezirek qutylýǵa tyrysýda. Detroıttaǵy jyljymaıtyn múlik salyǵy eldegi eń joǵary kórsetkishti quraıdy.
AQSh-tyń avtomobıl astanasy 40 jyl buryn amerıkandyq avtoónerkásiptegi jaǵdaı qıyndaǵan kezden quldyraı bastady. Detroıttyń bıýdjettik tapshylyǵy 380 mln. dollarǵa jetip otyr, al jalpy qaryzy 17 mıllıardtan 20 mıllıard dollarǵa deıingi somaǵa baǵalanýda. Shildeniń ortasynda qala basshylyǵy amerıkandyq avtomobıl astanasyn bankrot dep taný jóninde sotqa júgindi.
