Amerıkandyq dárigerdiń shatyryn meteorıt tesip ótti

dep habarlaıdy QazAqparat Lenta.rý saıtyna silteme jasap.

Salmaǵy jarty fýnt (230 gramm) bolatyn ǵaryshtyq dene Vırdjınııa shtatyndaǵy Lorton qalasynda turatyn dáriger Frenk Champıdiń (Frank Ciampi) úıine qulaǵan. Saǵatyna eki júz mıl (saǵatyna 320 shaqyrym) jyldamdyqpen quldyraǵan meteorıt shatyrǵa túsken. Birneshe kedergilerden ótip, shaǵyn tesik qaldyra otyryp, dárigerdiń aýrýlardy qabyldaıtyn tómengi qabattaǵy bólmesine qulaǵan.

Vashıngtondaǵy Ulttyq tabıǵı tarıh murajaıyndaǵy meteorıtter kollektsııasyn basqarýshy Lında Veltsenbahtyń (Linda Welzenbach) aıtýynsha, qulaǵan deneniń mólsheri adamnyń judyryǵyndaı bolady. Murajaı mamandary nysannyń shynynda da meteorıt ekenin jáne ǵaryshtan jetkenin rastady. Champıdiń qabyldaý bólmesindegi tsement edenge soqqan meteorıt birneshe bólikke bólindi. Kezdeısoq sáttilikke oraı eshkim de zardap shekken joq.