Amerıkandyq brakonerlerdi robot-janýarlardyń kómegimen ustap jatyr
ASTANA. 18 qarasha. QazAqparat - AQSh-ta brakonerlerdi qolǵa túsirý úshin ań terisi kıgizilgen robottar paıdalanylýda,
dep habarlady Newsru.
Tap osyndaı robottyń kómegimen Florıda shtatynda brakoner ustaldy. Er adam ol jol jıegindegi buǵyny kórgen sátte kóligin kilt toqtatyp, myltyǵyn alǵan boıy atyp jibergen. Qos alaqanyn ysqylap, oljasyn almaqqa jaqyndaı bergende tasada tyǵylyp turǵan bılik ókilderi aldynan shyǵa keldi. Óıtkeni ań aýlaý maýsymy aıaqtalǵannan keıin, onyń ústine jol jıegindegi buǵyny óltirýge bolmaıdy.
Robottalǵan janýarlar jurtqa kórinetin jerge qoıylady. Olardyń qozǵalysy basqarylady, al bılik ókilderi jaqyn mańda ańdyp otyrady.
Endi Florıda ańshysy jol boıynda zańsyz ań aýlaǵany úshin bir jylyn temir tordyń ar jaǵynda ótkizýi múmkin.
