Amerıkandyq boksshy Golovkınniń promoýterin maqtady
ASTANA. QazAqparat - Amerıkandyq boksshy Djamel Herrıng (15-1, 8 KO) qazaqstandyq boksshy Gennadıı Golovkınniń (36-0, 33 KO) promoýteri Tom Lefflerdi óz mindetin jaqsy oryndaıdy dep maqtady.
«Promoýterleriniń arqasynda tanymaldylyqqa ıe bolǵan top-boksshylardy mynalar dep ataýǵa bolady: Kanelo, Kroýford, Brýk, Golovkın, Djoshýa. Promoýterler mańyzdy ról atqarady, sondaı-aq boks naryǵyndaǵy jaǵdaıdy túsine bilý kerek», - dep jazdy Herrıng tvıtterge.
Sonymen qatar, basqa qoldanýshylar Herrıngpen kelispeıtinderin, Golovkın sekildi boksshysy bar Lefflerdiń GGG aıqasyn AQSh kabeldik telearnalarynan tikeleı translıatsııa berip otyrýǵa múmkindigi baryn atap ótti, dep habarlaıdy Sports.kz.
