Amerıkandyq boksshy akýlamen aıqasty
ASTANA. 23 qazan. QazAqparat - Gavaı araldarynda serfer ózine shabýyl jasaǵan akýlamen aıqasty. 25 jastaǵy Djef Horton bolmashy ǵana jaralandy.
Onyń oıynsha, óziniń tiri qalýyna bokspen shuǵyldanǵany kómektesken.
Jyrtqysh 20 qazan kúni Djef pen onyń joldastary Kaýaı aralynyń mańynda Tynyq muhıtynda júzip júrgende shabýyldaǵan. «Men ózime qaraı kele jatqan tolqyndy kútip otyrǵanmyn, kenet maǵan qaraı júzip kele jatqan akýlany baıqap qaldym. Akýla meniń taqtaıshama aýyz salǵansha, soqqy jasap úlgerdim», - deıdi ol.
Djef Horton mundaı jaǵdaıda saspaı, ózin-ózi qolǵa alǵan. «Júzý qanatyn bir qolymmen ustap alyp, ekinshi qolymmen bar kúshimmen kózinen urdym. Meniń jolym boldy, soqqylarymnyń biri onyń kózine dál tıdi, jyrtqysh aýzyn ashyp eseńgiregendeı boldy, men taqtaıymdy qaıta qolyma alyp, tolqynmen jaǵaǵa shyqtym», - dedi jýrnalısterge bergen suhbatynda batyl jigit.
