Amerıkandyq bas shtabtyń bastyǵy aýysty
ASTANA. 1 qazan. QazAqparat - AQSh-ta Shtabtar bastyqtary birikken komıtetiniń basshysy aýysty, ol reseılik armııadaǵy Bas shtabtyń nusqasy bolyp tabylady, dep habarlady RBK.
Bul qyzmetke admıral Maık Mallenniń ornyna burynǵy qurǵaqtaǵy ásker basshysy general Martın Dempsı taǵaıyndaldy. Ol kóp jyldar boıy áskerı qımyldardan aýlaq jerde qyzmet etti, azdaǵan ýaqyt Iraktaǵy koalıtsııalyq áskerge basshylyq jasady. Alaıda synshylar bul jyldarda ekstremıster odaqtastarǵa qaraǵanda edáýir tabysqa jetkenin áldeneshe ret atap ótti.
Soǵan qaramastan, B.Obama óziniń quttyqtaý sózinde «álemdegi eń tańdaýly» dep ataǵan armııa senimdi qolǵa berildi dep sanaıdy.
M.Dempsıdiń jáne basqa da joǵary laýazymdy áskerılerdiń aldyna AQSh prezıdenti biraz tapsyrmalar berip, Iraktan áskerdi shyǵarý, aýǵandyqtardyń ekstremısterge qarsy qorǵanysyn derbes qolǵa alýyna kómektesý, «Ál-Kaıedany» talqandaý mindetterin qoıdy.
