Amerıkandyq baqytty jan lotereıadan eki márte mıllıonnan astam dollar utty
ASTANA. Qarashanyń 9-y. QazAqparat - Amerıkandyq Nıý-Gempshır shtatynyń turǵyny lotereıadan iri utystyń eki márte ıegeri atandy,
dep habarlaıdy QazAqparat Lenta. Rý saıtyna silteme jasap.
WMUR-TV arnasynyń habarlaǵanyndaı, Bob ıArach (Bob Jaracz) birinshi joly - 1,9 mıllıon, odan keıin mıllıonnan sál astam dollar utqan. Nashýa qalasynda turatyn ıArach apta saıyn lotereıa bıletterin satyp alatynyn aıtty.
ıArachtyń aıtýynsha, ol bıletti ártúrli dúkenderden satyp alady jáne eshqandaı belgili bir júıesiz «tıse - terekke, tımese - butaqqa» degen qaǵıda boıynsha toltyratyn kórinedi.
Utyp alǵan qarajatty qaıyrymdylyqqa jáne saıahatqa jumsamaqshy.
