Amerıkandyq azamat óz ashanasynda qonjyqtyń ústinen shyqty
ASTANA. 11 qazan. QazAqparat - Arızona turǵyny Fıl Volk óz úıiniń ashanasynda munyń daıyndap qoıǵan tamaqtaryn qomaǵaılana jep otyrǵan qonjyqqa tap boldy,
dep habarlaıdy Fox News. Oqıǵa birneshe kún buryn boldy, áıteýir jabaıy janýarmen kezdesýde eshkim zardap shekken joq, Volk shaqyrylmaǵan qonaqtyń ózin tym erkin ustaǵanyn aıtty.
Arızona turǵyny ashanasyndaǵy dybystardy estigende nemeresi eken dep, tekserýge barǵan. Biraq balanyń ornynda sol jerde kishkentaı aıý júrgen edi. Shokolad tortynan aýyz tıgen ol qoımadaǵy nan men chıpsyny, sodan keıin kámpıtti qylǵytqan.
Oqıǵa ornyna ańshylyq jáne balyq aýlaý vedomstvosynyń qyzmetkerleri shaqyryldy. Olar taǵy ańdy úıden shyǵaryp, haıýanattar baǵyna aparý úshin ony ýaqytsha uıyqtatyp tastady.
