Amerıkandyq azamat 94 jyl boıy basynda qalǵan oqpen ómir súrgen
ASTANA. 26 sáýir. QazAqparat - AQSh-ta adam aıtsa sengisiz oqıǵa, basynda qalǵan oqpen eń kóp ómir súrý boıynsha Gınnestiń rekordtar kitabyna engen er adam kóz jumdy.
Ýılıam Loýlıs Peıs 103 jasynda Kalıfornııadaǵy qarttar úıinde qaıtys boldy. Ómiriniń sońǵy 94 jylyn ol basyndaǵy oqpen ǵumyr keshken. 1917 jyly Ýılıamnyń aǵasy abaısyzda ákesiniń 22 kalıbrli ańshy qarýymen ony atyp jibergen. Dárigerler operatsııa kezinde mıyna zaqym keledi dep qorqyp, oqty hırýrgııalyq jolmen almaýǵa sheshim qabyldaıdy. Degemen tiri qalǵan Ýılıamnyń bir kózi men júıke tamyrlaryna zaqym keledi. Alaıda bul onyń ómir súrip, jumys isteýine esh kedergi keltirmegen kórinedi.
Peıs 2006 jyly Gınnestiń rekordtar kitabyna engen, dep habarlaıdy ýtro. rý.
