Amerıkandyq áıel úlken «Monopolııa» oıynynan 50 myń dollar utyp aldy
ASTANA. Qazannyń 22-si. QazAqparat - Nevadada turatyn amerıkandyq áıel Kım Haınen (Kim Heinen) Las-Vegas kósheleriniń birindegi ústel ústi oıyn túrleriniń biri «Monopolııadan» 50 myń dollar utyp aldy,
dep habarlaıdy QazAqparat Lenta. Rý saıtyna silteme jasap.
Oıyn 60 sharshy metrlik úlken alańda júrgizildi, fıshkalardyń rólin jarysqa qatysýshy oıynshylardyń ózderi oryndady.
Oıyn jeńildetilgen ereje boıynsha júrgizildi jáne oıyn alańymen alǵash tolyq sheńber jasaǵan kez kelgen oıynshy jeńimpaz dep sanaldy. Jarysqa 33 adam qatysty, olarǵa kórshiles ornalasqan Bally's kazınosynan kelgen qyzdar ilesip otyrdy.
Bir adym artta turǵan Haıden básekelesterinen ozý úshin eki oıyn kýbıkterin salyp, kemi 8 upaı jınaýy tıis bolatyn. Ekinshi oryndy Jańa Orleannan kelgen Patrıtsııa Rozer (Patricia Roser) ıelenip 20 myń dollar aldy. Úshinshi júlde 15 myń dollardy qurady, al joǵary oryndarǵa qol jetkize almaǵan qalǵan oıynshylardyń barlyǵyna da 500 dollardan buıyrdy.
