Amerıkandyq áıel salmaǵyn 730 kelige jetkizýdi armandaıdy
ASTANA. 12 sáýir. QazAqparat - Álemde eki sanattaǵy áıelder bar: biri aryqtaýdy armandasa, ekinshisi, kerisinshe - tolycýdy qalaıdy.
Amerıkandyq Sıýzen Eman ekinshi sanattaǵy áıelderge jatady.
Perfekt Lady jýrnalynyń jazýynsha, qazir ol 3,5 tsentner tartady, biraq ol buǵan qanaǵattanbaı, salmaǵyn 730 kelige jetkizýdi armandaıdy. Jáne munyń barlyǵy - súıiktisi úshin.
Ótken jyldyń kókteminde jýan áıel áleýmettik jelide salmaqty áıelderdi jaqsy kóretin, aspazshy - Parker Klekpen tanysqan. Ol ýaqytta 3,5 tsentnerlik Sıýzenniń úsh balasy bar bolatyn. Ǵashyqtar otbasyn qurdy, qazir jas zaıyby úshin aspazshy túrli tátti taǵamdar men Sıýzen qalaǵannyń bárin daıyndaıdy. Erekshe áıel kúıeýine taǵy 730 kelige deıin tolysýǵa ýáde etýde.
Osy kúnge deıin Sıýzen ózine-ózi qyzmet ete alady. Ol óz erkimen qozǵalady, tipti dene jattyǵýlaryn jasaıdy.
