Amerıkandyq áıel qyzyna qatygezdik jasaǵany úshin 99 jylǵa sottaldy
ASTANA. 13 qazan. QazAqparat - Dallas qalasynyń soty 23 jastaǵy áıeldi kishkentaı qyzyna qatygezdik jasaǵany úshin 99 jylǵa sottady, dep habarlady "Vestı.Ru".
Bes balanyń anasy Elızabet Eskalona 2011 jyldyń qyrkúıek aıynda óziniń 2 jasar qyzy Djosselınniń qolyna jelim jaǵyp, ol qashyp ketpes úshin qolyn úıdiń qabyrǵasyna jabystyryp qoıǵan. Keıin ony aýyr uryp-soqqan.
Prokýratýra sotqa meıirimsiz ananyń áreketin dáleldeıtin sýretterdi usyndy. Sot úrdisiniń barysynda Elızabet Eskalona óziniń bereketi joq otbasynda óskendigin jáne esirtki qabyldaıtyndyǵyn aıtyp, aqtalmaq boldy.
